عندى مجموعه من الاحداث الزوجية بلا نشوف

السلام عليكم ورحمة الله وبركاتة
ياريت تقروا موضوعى كلة لأنة مشوق وهيفدكوا كتير...........
احب اقولكوا فى الاول انى زوجة وام وحبيبة وجميلة جدااااااا
وحنية الدنيا فيا انا مش بشكر فى نفسى بس انا كدة فعلا جدعة قوى وست بـــ 100 راجل وانثى بـــ100 ست
هدخل فى الموضوع علشان مطولش عليكم

انا وجوزى بنحب بعض من واحنا فى المدرسة كان عندى 13 سنة كان ساكن قصادى وفى نفس المدرسة المهم اتخطبنا وانا عندى 16 سنة واتجوزنا وانا عندى 19 سنة وخلفت وانا عندى 24 سنة
كنت بحبة قوى وما زلت
وهو كان بيحبنى بس كان بيخونى وانا معرفش لغاية فى يوم صاحبتى جاتلى وكان معاها صاحبتها انا معرفهاش وشافت صورتنا فى البيت وللأسف عرفتة وقالتلى انة ماشى مع صاحبتها انا مصدقتش........ حكيت لة وقاللى دة كدب طبعا المهم انا كنت لسة صغيرة ومكنتش ام والموضوع عدى وغفرت لة
من سنة ......................
ابتدى يتغير معايا كتير مش عاجبة اى حاجة بيتلكك على اى حاجة بيطلعنى على طول غلطانة وانة مش قادر يعيش معايا وانة زهق وانى مستحقش اكون ام ولا زوجة ولا اى حاجة وطبعا دة كلة مش فيا خااااااااااااااااااالص انا شايفة بيتى كويس جداااااااااااااااااا ونظيفة ومرتبة لأقصى درجة وام بمعنى الكلمة وولادى بيقولولى الحمد لله انك انتى امنا وبشهادة كل الناس انا مفيش زيى فى الوقت الحالى على طول ولادى زى الفل وبيتى وانا على اعلى مستوى من النظافة والجمال وفوق كل دة بحبة وبحاول اعمل كل اللى يحبة وباجى على نفسى كتير علشانة وكل اسبوع بعملة ليلة رومانسية مش موجودة بأى منتدى ولا بالخيال (انا مهندسة ديكور)
كان بيتبسط من الليالى بس كان فى حاجة غريبة كنت حاسة انة مش ليا ولا معايا انا ولا كان بيقولى بحبك ولا بيعمل اللى يثبت انة بيحبنى كنا مختلفين فى كل حاجة وكنت بغير من نفسى علشانة حتى فى الخروج كان يسبنى وينزل ويسهر وافضل اقولة انا محتجالك ولا كاااااااان بيهمة
رمضان اللى فات ابتدى اسلوبة يتغير تليفونات على طول خروج على طول سايبنى على طول المهم كان بينزل فى نص الليل وهو نايم الساعة 2 مثلا يقوم من النوم ينزل باى لبس كنت استغرب اقولة رايح فين يقولى هنزل الف بالعربية شوية مخنوق ويجى بعد ساعة كنت بصراحة ابتديت ادور وراة فى الموبايل كنت الاقية ماسح كل الأرقام وطبعا زى معظم الرجالة مش بيفهم فى الموبايل وانا كرمبو وهو ميعرفش انة يمسح الأرقام كمان من جوه المهم لاقيت رقم واخدتة وكلمتها لاقيتها ست مش ولا بد المهم كنت بقولة نمرة مين دى يقولى انتى بتدورى ورايا انتى مش عارفة اية انتى انتى انتى .........
وكانت خناقة طبعاااااااااا بيدارى اللى بيعملة بيغروش على الموضوع
المهم كان بيتلكك كتير قوى وفى آخر رمضان السنة اللى فاتت قاللى انا هسيب البيت طبعا انهارت قلتلة لية قالى انا مش قادر استحمل اكتر من كدة انا مش عايز اظلمك ولا اظلم نفسى قلتلة انا عايزاك معايا يقولى انا بقى اكتفيت شبع منى يعنى هههههههه انا مبقتش محتاجلك فى اى حاجة خالص كانت العلاقة بينا ابتدت تبعد حتى المعاشرة بالشهور اما كان يوحشنى كنت اعمل ليلة رومانسية علشان يقعد معايا كنت بشحتة
المهم ساب البيت وهو بيقولى هتوحشينى انا عارف انى مش هعرف اعيش بعيد عنك وعن ولادى ومشيييييييييييى وسابنا
ورجع بعد العيد بسبب انى قعدت اترجى فية لأنى يتيمة ومليش غيرة
المهم بعد ما رجع متغيرش وفضلنا سنة بنفس الوضع قلتلة انت لية بتعاملنى كدة قاللى انا قلتلك قبل كدة انا مش عايز منك حاجة خالص وانا رجعت علشان خاطر ولادى بس طبعا كنت باخد كلام كان بيهدنى وربنا عالم انا كنت بستحمل ازاى وقد اية
لغاية من 3 شهور اتفق معايا انة هيسيب البيت بعد رمضان والعيد والمدارس هيسيبة خالص انا كانت اعصابى تعبانة جداااا وقلتلة دة قرار اخير قالى اه ومتحاوليش لأنى اخدت قرارى ومش هرجع فية تخيلوا حب عمرى لما يقولى كدة ابو ولادى واللى كان نفسى يبقى ابويا اللى اتحرمت منة عمرى كلة
فى نصف رمضان جة من الشغل لاقانى نايمة وانا اصلا مش بنام من كتر القلق وعدم الأمان عارفين اما ابقى عايشة مع حبيبى وجوزى وعارفة انة هيسيبنى ومش عارفة لية انا مش غلطانة فى حاجة وبشهادة حماتى الى هو ابن امة كانت تقولة اتقى الله فيها دى شايلاك على كفوف الراحة انا مش شايفاها بتعمل حاجة وحشة المهم جة لاقانى نايمة راح مصحينى من النوم بقلم على وجهى قالى انتى نايمة وقعد يشتم ويسب وانا مذهولة ومش عارفة اعمل حاجة غير انى بعيط ومش مصدقة ونزل وسابنى وقالى اتحرقى اولعى افطروا لوحدكوا بقى وربنا يعلم انا مرديت علية بكلمة وقلت هو فى الصيام بيبقى متنرفز اكلمة بعد الفطار
لاقيتة جاى بعد الفطار ولم هدومة كلها وقالى مع السلامة بصراحة معرفتش ارد علية ولا عرفت امسك فية جت كل حاجة فى دماغى دة الأنسان اللى ضحيت علشانة بكل حاجة ومخدتش منة حاجة دة حتى دبلتى كانت بفلوسى ولا شبكة ولا مهر ولا عفش ولا اى حاجة خالص.........سيبتة
كلمت حماتى وحكيت لها قالتلى انا مش عارفة انتى ازاى اصلا كنتى عايشة وانتى عارفة انة هيسيب البيت بعد المدارس انا مش عايزة ادعى علية حماتى معتبرانى بنتها وانا كنت بنتها فعلا وهو بيسمع كلام امة فى كل حاجة الا المرة دى
عاش فى شقة ايجار لمدة شهر اما الأمور هديت بينا قلتلة مش هترجع بيتك يقولى لأ مش هرجع
احنا كنا بنتكلم فى الموبايل كل يوم وكذا مرة وكنت بترجاة واعيط علشان يرجع واقولة انت واحشنى انا خايفة وانا لوحدى بالأولاد انا عايزاك ولا كان بيأثر فية اى حاجة يقولى سيبينا 3 شهور اربعه ونشوف كل حاجة بتبقى صعب فى الأول واقولة العيال بيتنا احنا يقولى هيتعودوا وهتتعودى
المهم فى اليوم الأخير
كلمنى الصبح وقلتلة انا كلمتك بالليل كذا مرة مردتش عليا لية قاللى مسمعتش كنت نايم كان فية مصيبة يعنى قلتلة ارجعلى قالى متلزمنيش خلاص انتى بقيتى ولا حاجة بالنسبة لى ولا حاجة ولا حاجة ولا حاجة محسيتش بنفسى غير وانا بقفل الموبايل وبرمية
الموبايل طبعا باظ مبقاش يفتح ولا يقفل
المهم كلمنى بالليل قاللى ابعتيلى الولاد عند ماما هقعد معاهم شوية قلتلة حاضر وسبت الموبايل وهو الحمد لله مقفلش لأول مرة فى حياتة ينسى يقفلة علشان ربنا رايدلى انى اعرف الحقيقة
ابنى قالى كلمى بابا وقليلة انا هجيب لعبة معايا قلتلة حاضر مسكت الموبايل لاقيتة لسة مفتوح ولاقيتة بيقول لمامتة انا مش راجع البيت تانى وهطلقها لو عايزة تقولة يا ابنى ارجع مش عايز تقعد معاها فى الغرفة نام فى حتة تانية بس تبقى فى بيتك يقولها لألألألألألألألألألألألألألألألألأ
بس اسمعى كلامى يا ماما شوفيها بس شوفيها هتعجبك والله تقولة لالالالالالالالالا مفيش غير مراتك انا بحبها مفيش غيرها هيدخل البيت متبقاش ابنى لو عملت كدة .......................................
عارفين احساسى كان اية ساعتها حاسين ,,,
حب عمرى .................... عاوز يتجوز عليا
هكمل بعدين لو عايزين تعرفوا المعجزة اللى حصلت
مين اللى قال ان مفيش معجزات دلوقتى هههههههه دة مش مؤمن بربنا
انا عارفة انى طولت عليكم بس والله العظيم انا اختصرت حاجات كتير عاوزين اكملكوا المعجزة؟؟؟؟؟؟؟؟

تانى مشكله ياجماعه يلا نسمع
السلام عليكم انا بقى يا بنات جوزى اتجوز عليا فعلا عارفين ليه

عشان مكنتش بخلف بس والله المشكلة مش فى انه اتجوز المشكلة فى اللى بعد الجواز

مراته الثانية خلت حياتى جحيم كانت عايزة تخليه يطلقنى وكل ما يكون عندى تتصل بيه تعالى انا تعبانة وطبعا هو غصب عنه عشان نفسه يبقى اب

يااااااااااااااااااااااااااااااه كانت اصعب سنتين فى حياتى الوحدة صعبة جدااااااااااااااا

كان يقولى انى اتعرف عليها ونكون اسرة واحدة وانا مكنتش بوافق لان الموضوع صعب اوى بس هى كانت وهماه انها بتحبنى وهتكون اخت ليا بس بينى وبنكم انا كنت خايفة اوى من المواجهة بس كان كل يوم بيبعد عنى اكتر

كنت ممكن اشوفه مرة فى الاسبوع ومكنش بيبات بس عشان يدينى فلوس صعب اوى صح

احنا فعلا بنيجى على نفسنا اوووووووووووووى
لكن كان نفسنا نعيش فى مودة ورحمة وحب

المهم كان كل يوم بيبعد ولو قرب على طول تلحق نفسها وتتصل بيه الواد تعبان تعالى بسرعة وربنا يعلم كنت ببقى ازاى قبل ما تولد جبت ملابس للطفل قلت عشان هو يرضى عنى لكن للاسف كانى مش بعمل حاجة

قالى انتى السبب عشان مش عايزة تتعرفى عليها ونكون كويسين مع بعض
كنت خايفة جدا لان صعب اى واحدة تلاقى زوجها مع غيرها لكن هما كانوا مستسهلين الموضوع اووووى جه فى يوم قالى انا مش قادر استحمل مسؤلية بيتين لازم نطلق كنت هموت بجد قلتله لا وانا هستحمل اى حاجة بس بلاش

فى يوم عيد ميلاد ابنه الاول قلت هعمل حاجة يمكن تخليه يرضى عنى

والله والله والله ساعتها مكنش معايا فلوس استلفت من واحدة صحبتى واشتريت لابنه هدايا ورحت لغاية بيتهم واتصلت بيه لت هيفرح ونبدا من جديد لكن كانت المفاجاة

انه بعت اخوه ياخد من الهدايا وحتى منزلش يقولى شكرا حسيت ان الدنيا سودة مشيت من بيتهم لبيتى حوالى ساعتين مش عارفة انا ماشية ازاى ودموعى طبعا مش هقولكم لانها دلوقتى جفت

جه عندى بالليل وقالى انى غلطانة انى عملت كده قلتله على كلامك انك عايز
انى اكون معكم كنت بحسبك هتفرح انا عرفت بعدها انها قالتله انى مطلعش عندهم لان فى ناس عندها ميعرفوش انه متجوز ومشى بعدها

كنت بشوفه مرة واحدة كل فين وفين يعنى ممكن تحصل علاقة زوجية كل شهر مرة وطبعا هى طول الفترة دى بتمكرلى ازاى تبعده عنى

انا طبعا بختصر كتير من العذاب قعدت فترة الدورة ما تيجى وانا مكنتش حاطة فى بالى لانى كنت بقالى 10سنين وربنا ما ارادش انى اخلف كنت بحسبها عادى متاخرة واحدة صحبتى قالتلى روحى حللى اقولها ماانتى عارفة انها بتتاخر كتير لكن قدر ربنا انى عملت تحليل ولقيت انى فعلا حامل

افرحوا شوية ربنا كريم اوى ومع الصابرين ومعرفتش اقوله ازاى اتصلت بيه وقلتله هبعتلك رسالة ورد عليا بعتله رسالة انا حامل بصراحة فرح فرحة كبيرة اوى وجرى على ولدته واخواته قلهم ورجعلى تانى ورجعت فرحتنا لكن هى لما عرفت لقت ان كل خططها باظت

ويمكرون ويمكر الله والله خير الماكرين

فكرت تعمل ايه عشان يبعد تانى اتخنقت معاه خناقة كبيرة بعد ما اتصلحوا قالتله عايزين ننجد بس فكلى المرتبة لما فكها لى ورقة قالتلوا ايه ده ده عمل اه عشان كده كنا بنتخانق وجابوا واحد الوا انه شيخ وخرج منها جن قال ان انا اللى عاملة العمل وهو للاسف كان شبه مصدق والله ربنا يعلم انى بريئة لكن ربنا قدر ان كل حاجة تتقلب عليها وهى اللى دلوقتى عايشة فى جحيم هى بتغير عليه لكن انا الاولى انا اللى من حقى اغير بصراحة شفت ايام صعبة اووووى

اه نسيت اولكم انى رزقت بفاطمة زى العسل عندها دلوقتى سنة و9شهور والحمد لله انا وجوزى دلوقتى احسن بكتيررررررررررررررررررررررررررررررر اوى