حمام محشي مع الملوخية بالطريقة المصرية^_^ شرح مصور

بسم الله الرحمن الرحيم

الاول نغسل الحمام كويس وننضفه ونسيبه

يصفى الميه بتاعته

ونجهز الحشوه الى هى رز بالخلطه بس مش نعمله على الاخر نخليه شويه بعد ما يشرب ميته وبعدين نطفى عليها
حنبشر بصله ونقطع الاوانص ونسويها وبعدين نضيف الكبده اللى مقطعنها والملح والفلفل والرز المغسول ونزود ميه ونسيبه على النار والطريقه بالصور

نحط على النار حله فيها ميه وبصله مقطعه وملح وفلفل وحبهان ونسيبها تغلى على ما نحشى الحمام

نبدا بحشو الحمام من جوه الاول

وبعدين نحشى تحت الجلد واحنا بنغسل الحمام نفتح الجلد بصوابعنا بس براحه علشان ما يتقطعش

وندخل رجلين الحمامه فى الفتحه اللى تحت بالشكل ده
كانها مربوطه منها فيها

لحد مانخلص الكميه نحطهم فى الميه اللى بتغلى ونسييبهم لحد ما يتسلقو ومش بياخد وقت كتير عشان كده عاملين الرز نص سوى

وده بعد ما ستوى

وبعدين ندهن الحمام بمعلقه صغيره صلصه طماطم
علشان لونه يبقي تحفه بعد التحمير

ونحمره فى زيت وسمنه مع بعض خلى بقى الشكل النهائى فى الاخر نعمل دلوقتى
الملوخيه

نقطف الملوخيه ونغسلها كويس

نفردها على فوطه نضيفه عشان تنشف شويه تحت المروحة

نخرط الملوخيه لحد ما تبقى ناعمه بالشكل ده

نحط فى حله شويه من شوربه الحمام اد كوبايه ونص كده منكترش فى الاول عشان الملوخيه ما تسقطش مننا ونحط الملوخيه انا استخدمت نص المقدار الللى انا عملاه ده وشلت الباقى فى الفريزر

ونقلب لحد ما الملوخيه تتدوب ومش يبقى فى اى تكتلات على نار هاديه

ونحمر فصين توم كبار مدقوقين مع معلتين سمنه

لما تتحمر نحط عليها معلقه كسبره مطحونه

ونحط التومه على الملوخيه

ونقلب ونظبط ملحها ولو حسيتى انها تقيله ذودى كبشه شوربه

ودى بعد ماخلصت ومنغطيهاش لو عايزه تغطيها يبقى بمصفى عشان ماتسقطش

وبس ونعمل رز ابيض للملوخيه وكده خلصنا

الشكل النهائى بقى اهوووووووووو

دى الملوخيه

الحمام

بعد ما عذبناه (احمممممم) طبخناه

ههههههههههههههههههههههههههههههههههههههههههههههههههههههههههههههههههه
وانا عازمك على تلات او اربع اجواز حمام ولوحدك ومش تقولى لحد علشان ماحدش ياكل معاكى
عارفك بتموتى بالحماااااااااااااااااااااااااااااااااااااااااااااااااااااااام
هههههههههههههههههههههههههههههههههههههههههههههههههههههههههه