سحابة حزن

واحس بدمعتى حايرة
راح أنزل ..وللا أخلينى ,,
واسيب الفرح يتبعتر..؟
وبسألها: هتفرق ايه؟
مادام الجرح هيجينى
مدام الآهة بتعشش على أيامى وسنينى
ملوش معنى الفرَح ساعة
وبعد شويه// تنسيني
...
أنا مش دمعة الأحزان
دَ أنا عالحزن بتمنظر
أنا دمعة فرح حلوة
عشانك جاية بتمخطر
راح أنزل وللا اخلينى
واسيب الفرح يتبعتر؟
...
منين أصلاً هييجى الفرح
وكل حياتى جرح فـ جرح
وطول العمر مِتكدَّر
دَ حتى الضحكة دبلانة
وغرقانة فِ وسط المر
ولو جاتني بروح حلوة
ما بتِّعَّمَر
واحس ملامحى بتكشر
انا مش فارقة ويايا
ولو عــَ الضحكة....مش لازم
ولو عــَ الفرح..برضه يهون
انا اصلاً بطبعى حزين
ومتشَرَّب ب هم الكون
ولو صادف فى يوم مرة
عشان فرحان ومتفائل
قوام بفتحلى كراستى
وأسطَّرها
وأبخَّرها
خلاص هكتب.....
يروح سن القلم مكسور
وألف وادور
وأتحير
وكل القصة مستغرب!!
سحابة حزنى بتمطر ولا بتخلص؟
وعصفور الهنا مسكين
خلاص بيموت..وبيفرفر
قوام أعرف
بإن الفرح مش ليا
ودَ العادى
أعيش وسط الألم مكسور
وافوق من دندنة نفسي
وبلقى دمعة الفرحة بتتعذب
وتتكسر
واقول آسف
نسيت خالص
هخبيكي
أكيد ليكي فى يوم عُوزَه

ما بتِّعَّمَر
واحس ملامحى بتكشر
انا مش فارقة ويايا
ولو عــَ الضحكة....مش لازم
ولو عــَ الفرح..برضه يهون
انا اصلاً بطبعى حزين
ومتشَرَّب ب هم الكون
ولو صادف فى يوم مرة
عشان فرحان ومتفائل
قوام بفتحلى كراستى
وأسطَّرها
وأبخَّرها
خلاص هكتب.....
يروح سن القلم مكسور
وألف وادور
وأتحير
وكل القصة مستغرب!!
سحابة حزنى بتمطر ولا بتخلص؟
وعصفور الهنا مسكين
خلاص بيموت..وبيفرفر
قوام أعرف
بإن الفرح مش ليا
ودَ العادى
أعيش وسط الألم مكسور
وافوق من دندنة نفسي
وبلقى دمعة الفرحة بتتعذب
وتتكسر
واقول آسف
نسيت خالص
هخبيكي
أكيد ليكي فى يوم عُوزَه