دائما مانجد التفرقه بين المراة والرجل في اغلب المجتمعات
والتفرقه تكون أيضاَ با الاخطاء يعني اذا البنت غلطت قوموا الدنيا وقعدوها
انها ماتستحي وماتربت وتصير حديث الناس ليل نهار وينشرون خبرها في كل مكان يعني اللي مادرى يدري
ومستحيل ينسون او يسامحونها على اللي سوته وكل ماقلت كلمة قالوا له اسكتي لاتنسين اللي سويتيه
يعني با العربي يكرهونها بنفسها00
اما اذا اخطئ الرجل يختلف الوضع هنا طبعا الرجال اكيد مو قصده يغلط غصب عنه
ولا هو مايسويها وبعدين اذا غلط وش صار با الدنيا هذا هو عقل طبعا هو غلط اليوم خلاص ثاني يوم ماعاد تسمعين السالفة انتهت في يومهاوذا جيتي سألتيهم ليش الرجال ماتحاسبونه مثل البنت تنسون اللي سواه بثانيةتجد الأجابة تطلع بكل ثقة وعفوية << الرجال عيبه بجيبه>> وهذه المقولة الكل يتداولها مع انها با النسبه لي خاطئه وفيها تشجيع للرجل على الاستمرار في ارتكاب الاخطاء
لأنه عارف الكل بيسامحه وبينسى سالفته لانه عيبه بجيبه
والحديث في هذا الموضوع طويل وما له نهاية لذالك اترك المجال لكم للنقاش في هذ الموضوع
واتمنى تقولون لي
هل انتم مع ام ضد هذه المقولة<< الرجال عيبه بجيبه>>؟؟
والى ذلك الحين000
تقبلوا تحياتي
موضوع: <<الرجال عيبه بجيبه>>000 
الخميس 29 يناير - 3:38
