مواقف مضحكه
السلام عليكم ورحمة الله وبركاته
بدون كثرت بربره أنزلو دغري على الموضوع
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::
طبعن احنى كل عيد اضحى نخيم احنى وعماني ومره وحنى جالسات قالت بنت عمي وش رايكم نروح نتمشى قمنا وطلعنا برا الخيمه كان الجو خياااااال والمكان روووعه رحنى نتمشى بعدنا اشوي اخذة بنت عمي جوالها وشغلت ع اغنيه قالت يالله بنات خلونا نرقص قلت لاالمكان مرتفع والكل راح ايشوفنا خلونانروح المكان انزل ع شان ناخذ راحتنا رحنا نبي مكان انزل اشوي ع اساس نرقص المهم ونوقف قلنا هينا يالله شغلي وتشغل طبعن الاغنيه دبكه عراقيه ونقوم ندبك وضحك وستهبال وحده من البنات صرخت بنات الحقو احنى وقفنا قلنا وش فيك قالت ناضرو ونلف ونشوف سيارات اقريبه اشوي منا تنا ضر فينا ويلفلفون حوالينا احنا خفنا ياربي قبل اشوي ماكانو موجودين متى جوو نلف ع اهلينا ونشوف كل الرجال واقفين ايناضرون خفنا قلنا رحنا فيها الله لايوفقهم ليه ايجون هينا حسبي الله عليهم قبل اشوي مو فيه كيف شافونا وحنى والمكان نازل قالت بنت عمي لاوقسم ان المكان مو نازل يدلوخ الامرتفع
ونتجه لمخيمنا ولي تقول ياويلي من اخوي والي ياويلها من ابوها وش راح انقول لهم وتقابلنا عمتي ونجيها ركض
قلت عمه الحقينا قالت وش فيه قلت المكان ماكان فيه احد وجلسنا نرقص وحنى نرقص شافت ريومه سيارات تلف اتناضر ولفينا عليكم شفنا الرجال كلهم ايناضرونا قالت بنت عمي ياويلنا وقسم ليذبحونا وش ايفكنا من السنتهم وش رقصكم وليه ترقصون ونتم ماتشوفونهم وهم يلفون عليكم قالت عمتي وهي فاطسه ضحك يالمجانين اهم مادرو عنكم قلت الاواقفين ايناضرونا قالت اهم ايصلون وحنا انقوم انصارخ الحمدالله ماشافونا تخيلو من عقب الرعب والخوف يطلع انهم يصلون وقسم بالله انا خفنا
:::::::::::::::::::::::::::::::::::::::::::::::::: ::::::::::::::::::::::::::::::::::::::::
ومره طلعنا الاستراحة عمي هي ثلاث خيام وبيت شعر
احنا الحريم في خيمه لأن مو من عوايدنا نجي اعيال عماني قالت نوف بنت عمي منور تعرفين تدبكين قلت ايه قالت نوف يالله تعالي نجلس برا الجو خيااال ونتي علمينا كيف ندبك نبي نتعلم كيف الرجال شوي بعيد عنا قلت يالله ونا اطلع وبدا اعلمهم ويجون بنات عمي ونتماسك وابدا اعلمهم الدبك كان اشوي ازعاج المسجل والبنات يضحكون ويصارخون ع اساس كذا مانسمع زين نسمع دق بوري ونرفع روسنا ونشوف سيارة ولد عمي ومركب معه الشباب كانو ناوين يروحون ويضحكون علينا والبنات ايصارخون ونروح ركض ندخل الخيمه قال واحد منهم يرحم والدينكم لاعاد تدبكون وقسم لوتشوفكم قناة غنوه كان اعتزلو عن الرقص ههههههه وانا والبنات ندعي عليهم الحيوانين واقفين ايناضرون فينا ويضحكون علينا وماتركو احد ماقالو له عنا بس أهم شي ماأحد فيهم من أخوانا
لو أخوانا معهم كان والله ليكسرون رجلينا
:::::::::::::::::::::::::::::::::::::::::::::::::: ::::::::::::::::::::::::::::::::::::::::
ومره كنا في البر عند عمي عنده نياق>>يعني بالعربيه جمال وانا أخاااف منها وحده من البنات راحت لها تبي تسوي نفسها قويه قدامنا والله من المهايط
طبعن الرجال معزومين عند واحد من جيران عمي قريب من مكان النياق يعني مايروحون بسياره برجلينهم لأنه مره اقريييب والبنت تروح امدرعمه وتمسك وحده من انياق مسمينها ((عليا))>>لايفوتكم الأسم هع هع المهم والناقه تنزل ارقبتها وبنت عمي تمسك في ارموشها وتسحبها قاعده تستهبل وهي عورت الناقه وناقه تصيح وترفع راسها وبنت عمي تنحاش وناقه وراها تلاحقها يعني مافيه فكــه كان عندهم وايت اقريب منها رقت فوقه ووقفت ماكان عليها عبايه ولاغطا وجلست تصيح وناقه تحوم حوالين عندها وحنا خفنا ودخلنا الخيمه ماندري وش انسوي
دق الجوال وردة عليه عمتي قال اخوها نزلو الحيوانه الي فوق الوايت افضحتنا الريجيل ايشوفونها ونا اوقف عند باب الخيمه قلت ريـــم ياويلك من بـــدر بيلعن خيرك فضحتيه الريجيل ايشوفونك انزلي قالت لاااا والله ماانزل ابتذبحني قالت بنت عمي اجل انبطحي لحد ايشوفك ويجي ولد عمي ولي اهو اخوها معصب ويبعد الناقه وتنزل ويعطيها ذيك المحاضره وتجينا مدرعمه قلت انا اقول اتركي عني اشجاعه والمهايط الزايد ولاتروحين لها ونتي ولاهامك وهي اشوي وتصيح من الخوف ومن التهزئه الي جتها
ومن عقب ذي السالفه ماعاد تروح لها حتى اخوانها ايحذرونها مايبون فضيحه ثانيه,,
:::::::::::::::::::::::::::::::::::::::::::::::::: ::::::::::::::::::::::::::::::::::::::::
موضوع: مواقف مضحكة 
الجمعة 29 يوليو - 15:19